قصيدة انعست عين الغلا ضيدان بن قضعان

انعست

‏انعست عين الغلا والهوى هدا
‏خانت الايام والملح والعشره

‏وابتديت تشوف نفسك وتتحدا
‏ وأنت ماكنت تتغلى ولا تشره

‏كنت مجروحي وصرت الدوا والدا
‏کنت آه و صرت آهات منتشره

‏غلطة اللي بالمحبه أخذ وأدا
‏واعترف لك بالغلا وابصمت عشره

‏الهوى جاب الغلا والهوى ودا
‏وأنت وجروح الزمن بالحشا خشره

‏يابعد من ما بعد جا ومن هدا
‏ويا بعد من ساج روض الحشا نشره

‏يوم صار الحب جزيه ولك تدا
‏والقصيد اسهل من كتابته نشره

‏خذ قصيدي ياشذا الورد لاندا
‏وأنتبه لي واستمع موجز النشره

‏والله أنك بالغلا فارق جدا
‏مثل فرق الابتسامه عن الكشره

كلمات الشاعر: ضيدان بن قضعان ¹