كلمات كل احبك

كل احبك

كل احبك قلتها لك، لا حشا ما هي تسلي
ما أتسلى بك وقلبي زاد في حبك مقره

كيف أنا فيك أتسلى؟ وإنت وجهك قبلة لي
والحكي منك يداوي كل ضيق وكل حره

والله إن العمر دونك ما بغيته دامك اللي
يجهل هموم الليالي، ويبخس دروب المسره

والله إني يوم جيتك جيت شامخ ومتعلي
ما تثاقلت الطريق ولا خشيت من المضره

قم وخل الليل يمضي بالسوالف والتجلي
لا تظن ولا تشك ولا تلوم ولا تشره

تدري إنك من تبسم، كل خير يبتسم لي
وتصبح أيامي سلام، وكل فرحه مستمره

ارفقي بي يا الثواني وافرحي بي واسفهي لي
دام قلبي به غرام يملي حدود المجره
فؤاد عبدالواحد