سجة مع الهاجوس طبيعة لي
طبيعة باموت ماجزت عنها
أشكي على الخلاق وأرفع له أيدي
لا كثرت الأفكار يفك منها
أما الكرم قد فاز به حاتم الطي
حتى الفرس من شان ضيفه ذبحها
خلوني أكرم في حياتي وأنا حي
ولا مت مدري جثتي من دفنها
خلقت بالدنيا وأنا ما معي شي
وبروح منها ما معي شي منها
مسكين يا اللي تحسب الواجد شوي
والعافية لو تنشري وش ثمنها
يا جاهل الدنيا تراهي كما الفي
يا مخبل اللي في حياته ومنها
وإن ناحرت لك قامت تروح وتجي
مثل الذلول اللي طويل رسنها
وأن دبرت خلتك طايح ومرمي
وكم واحد له حاجة ما ضمنها
لا بد ما نرحل عن المزح والغي
ونسكن بيوت قبلنا من سكنها
النفس مثل الغصن عايش على الري
ولولاه كل الناس عافت وطنها
يالله عسى الحسنات تقضي على السي
لا قربوا للنفس ذرعة كفنها
