كلمات ضعفي محبة

ضعفي محبة

ضعفي محبة لا تقول إنّي ضعيف
عزّ الله إنّه كان لي قلبٍ قوي
تقول لك قلبٍ من الرِقّة شفيف
وأقول ليته عن عذابي يِرعَوي

لي عام روحي لا تَهيد ولا تِقيف
ما غير تِلعَب فالضّلوع وتِنزوي
جَرحتني جَرحٍ على جَرحٍ كليف
وخَلّيتني مِثل الغريب اِبلا خَوي

تِبيني أجلس لا يِجي هَرجِك عَنيف
تِبيني أُغادِر غَديت لك جَلوي
لا قِلت أحبّك خَلّني قصدي شَريف
أنا بَدوي ولد بَدوي ولد بَدوي

تِخاف منّي ليه؟ أحس إنّي وَلِيف
أنا ما أخاف إلا إن عودك يِنوِي
عطني الفصول ولا يِجي فصل الخَريف
ما دام عشبِك فالمعاليق إثْرَوي

ومن الثريّا للثّرى ما لك وصيف
ولا تِنتوصَف بالكلام المَعنوِي
وأنا أعرف قلّبك وأعرف إنّه نَظيف
وتِلعَب مع قلبي، وقَلبي مِنكّوي!

ثَقيـل أنا وأودعتني مِثل الخفيف
وشلون هاذي في حبيبِك تِستوي
أضحك على نَفسي من الأمر الظريف
وأبكِي على حالي من الأمر السَّوي

رابح صقر ¹

1. [↩]الحساب الرسمي للفنان رابح صقر في منصة اكس