ياشوق
يا شَوق جَوّي عَلَيه غُبار
ماهو في غِيبَتَك صافي
مَهموم وَأَنا وَالهُموم كِبار
مِحدٍ سَأَل لِيه يا كافي
ما صار هذا الجَفى ما صار
تِصِدّ وَتِغيب وَتِجافي
القَلب لو تِحرِقَه بِالنّار
ماني بِجايِع وَلا حافي
قَسَيت يا قَلبَك الجَبّار
صَدِّيت وَاِبطَيت يا جافي
خَلّيت مَقْصورة السُّمّار
يِدري عَلى بابَها السّافي
اِفتح مَعي صَفحَة التِّذكار
صَدّك جَفى وَالجَفى كافي
لو جار حُبّك وَشَوقي جار
لو طال صَبري وَميقافي
يا كَيف يا لَعبَة الأَقدار
اِنسى وَلِيفي وَميلافي
قَرَيت لَك مُوجَز الأَخبار
شَرَحت لَك وَضعي الطّافي
