كلمات كثر المواصل الشاعر عبدالله علوش

قصيدة كثر المواصل للشاعر عبدالله علوش ¹ وغناء علي بن محمد، تحمل في طياتها رسالة عميقة عن الحب وما يرافقه من قرب وصد، وعن قيمة المودة حين تكون بقدرها. يسلط الشاعر الضوء على أن كثرة الوصل قد تضعف المشاعر، وأن الاعتدال والاحترام هما ما يجعل العلاقة تدوم. بين أبياته نجد الحكمة والنصيحة، إذ يوجه القارئ إلى الصبر على المحبوب،

وعدم الاستعجال في اللوم، فلكل ظرفه وأسبابه. كما يوضح أن الهوى ليس لعبا، بل طريق قد يهدم أقوى الرجال إن لم يحسنوا التعامل معه.

كلمات كثر المواصل

كثر المواصل فالهوى ماهو بزين
ودك بخلك بين مده ومده

لن البنادم ماترك طبعه الشين
لاحب له شي وشبع منه هده

لكن لمنه جاك من حين لي حين
قدرة جياته وقدرة صده

ثم قلت ابيك وقال ماهوب ذالحين
لاتحرجه يمكن ظروفه تحده

اصبر عليه ايام وشهور وسنين
ان كانه يودك وكانك توده

وخلك لمنه اعطاك ماتطلبه دين
ماجاك منه اخذه ومارد رده

ولاتسوي مثل ناس مساكين
اصلك وفصلك فالهوى لاتعده

الحب مايعرف قبيله ولا دين
نكس حكومات وكسر اشده

جاووه عقال وراحوا مجانين
وكم واحد خاضه ولاهوب قده

يقوله اللي جاحد علته لين
بارت محافيره ” وبيح بسده

هذا كلامي وانت بتشوف بعدين
والله ان تميز بين مزحه وجده

1. [↩]الحساب الرسمي للشاعر عبدالله علوش في منصة اكس