مثل ما أحبك أبيك تحبني
غار واشتاق وتعلق بي وأسهر
ولا طلبتك لا ما بيك تردني
قلي أمر قلي تم وقلي أبشر
بقسى عليك شوي وأحرمك وأعطيك
هذي سياسة حب والحب أسرار
بزعلك مني وبرجع أراضيك
وارضى علي من دون تبرير وأعذار
كل ما أبعد لقلبك ردني
وكل ما كابر أبي تحاول وتصبر
لا تعاندني يا عمري وهدني
لا تخليني أبد منك أتكدر
أنا أبي حبك ولو قلت ما بيك
وعليك من نفسي ومن حبي أغار
أنا غطاك وسترك ومن يواسيك
وأوقف معك ضدي ولو صار ما صار
في عيونك يا حبيبي خلني
دون شوفي لا تخلي لحظه تمر
ما حد غيرك لحبه شدني
إنت أجمل شي في عمري مقدر
مستقبلك حاضرك أنا وكل ماضيك
هذا الصحيح وما على حبي غبار
مالي عيوني ودنيتي ومكتفي فيك
جبار قلبي ما عشق غير جبار
