لا تحرج الطيب وهو ما معه شي
انشد عنه قبل تسبب له إحراج
يمكن ما هو لاقي ولا رشفة المي
وعينك تشوف إنه على بير هداج
لو تطلبه كأنك تقول له عي
وتعرض علومه على كل هراج
هو شيمته بالطيب تلوي يده لي
عن قولة إنه رد له شخص محتاج
الناس ما فيها مثل حاتم الطي
اللي عطى بالجود درسا ومنهاج
من يكرم وراسه على بارد الفي
غير الذي راسه واهج الصاج
زول الرجال أحيان يخدعك بالزي
مثل الوجيه اللي تزين بمكياج
لو تطلب الله رازق الكاين الحي
اللي ما حط لباب الأرزاق مزلاج
خير من عبد ما هو مالكا شي
لو يعرف العله ما قدم لك علاج
لو قال من العين هذي قبل ذي
وابشر بخاطر سمح وفلة حجاج
لا مرسلا غيمة ولا باعثا ضي
ولا قابل دعوات صايم ولا حاج
مير اطلب الله دام حالك كما هي
والله كفيل برزق عبده إذا احتاج
