يا مرحبا ياللي لي ايام منك
يا مرحبا ياللي
يا مرحبا ياللي لي ايام منك
سبايب ظروفي وكثر انشغالي
ازعلّك وانا من الضيق احنّك
وكل ماتلومني الوم الليالي
احدً بعرفك زين ويصدّ عنّك
الا اذا راسه من العقل خالي
تثنّي بعودك ووريني فنّك
وروحي ولا رختّي شوي فتعالي
ايقونة الزين الحقيقي لانك
كل ما لبستي لبس يطلع خيالي
سوالفك قبله وعقلك محنك
وغيرتك مُره وملبسمك حالي
انتي مغني الزين وانتي مغنّك
الماضي اللي له شموخ وتَعالي
وان خيّبت سود المقادير ظنّك
انا على ظنك حبيبً موالي
- حساب الشاعر هادي بن زابن في منصة اكسالمصدر:
- قصيدة يا مرحبا ياللي من خلال لقاء عبر قناة نجاحات في منصة اليوتيوبالمصدر: