يالمال لا تعشق صناديق الانذال مهذل الصقور

صناديق الانذال

يالمال لا تعشق صناديق الانذال
ليتك تعيف اللاش وتعف منّه

خلك مع الابطال ذربين الافعال
يصير لك هيبه وشنه ورنّه

فالغرب لك ممسى وفالشرق مقيال
على كفوف مقطعين الاعنّه

والله لو الدنيا تحمل وتنشال
ان قد جلبناها على ظهر دنّه

قم ياردي الحظ خل التمل مال
سلط المال الكرم لا تحنّه

ماشفت حاتم يوم سلط على المال
اللّٰه عطا حاتم على حسن ظنّه

اغناه ورث له على مر الاجيال
عز قصر شبر السلاطين عنّه

ومجد يسولف به مقيم ورحال
مال الدول واعلامها فيه منّه

لي قفلت بيبان الارزاق بأقفال
فتح كريماً بالكرم باب جنّه

الشاعر: مهذل الصقور ¹