ياعقلي الشايب وياقلبي الشاب
ياعقلي الشايب
ياعقلي الشايب وياقلبي الشاب
المتنزن مابي يضيع اتزانه
لا تفضحوني عند تلعات الارقاب
والناس تعرفني رزين وتكانه
انا هواوي والهوى سِلم الاحباب
ولا خير في سِلم المحبين كانه
يلحقني بمنقود عكفان الاشناب
والا يوردني دروب المهانة
كم جادلاً جتني وقضبتها الباب
حتى لو ان البنتهذي فلانه
يا رجِل سجّي واعتّلي راس مرقاب
مافيه شيء يستاهل اقعد عشانه
انا اشوف ان في الجمادات ترحاب
اكثر من اللي ضاحكتاً ثمانه
يازين سجّات النفس والتغراب
ولا رفقة اللي ما لرفقتها خانه
عندي صديقاً فيه واجد من الداب
على الكلام الزين ما الله عانه
ان جاء يجي معه المشاكل والاتعاب
وان راح ماني سالماً من لسانه
المعذرة يامن بقى لي من أصحاب
لازم اقلل من حدود الميانة
عشان يبقى الود من بين الاحباب
وعشان يبقى المكانة مكانه
- حساب الشاعر هادي بن زابن في منصة اكسالمصدر:
- قصيدة ياعقلي الشايب وياقلبي الشاب من خلال لقاء عبر قناة نجاحات في منصة اليوتيوبالمصدر: