ودي اكلمك كل شوي واسكر

ودي اكلمك

احبّك ومانّي بجاحد ومتنكّر
نزيه واللّي لك بقلبي على لساني
من أمس واليوم والليله وأنا أفكّر
يا نصفي الأوّل من نصفي الثاني

ودي اكلمك كل شوي وأسّكر
أبغى أطمّن مثل إنّك وزاني
من أمس واليوم والليله وأنا أفكّر
تكفى تحرص على روحك على شاني

أرب عادك إلى ذلحين متذكّر
إنّ أنت وأنا مانستغني عن الثاني
إن كان به فرصة للمواصل بكّر
مانّي بقايل على الميعاد ما أمداني

حتى لو إنّي بعيد وجوي معكّر
أوعدك لا جيت قبل الوقت تلقاني
متقهوي مواصلك وشلون بشكّر
والشوق في غيبتي عنك يتقهواني

أطري اللّي مضى للقلب وأذكر
وأحس به شي قبل اليوم ماجاني
احبّك ومانّي بجاحد ومتنكّر
نزيه واللّي لك بقلبي على لساني

فلاح المسردي ¹

1. الحساب الرسمي لفلاح المسردي في منصة اكسالمصدر: