وأنا من اللي لاشانوا فيه الأصحاب شان
مراً عتابه لو لسانه يقطر حلا

لا حطني صاحبي في وسط عينه وزان
أزعل ليا طحت من عينه لعينه ولا

ما هو بحرصاً عليه ولا على ذا المكان
لكن كذا يزعل الرجال ولا فلا

يا طيب الراس والمعدن ترى ما يهان
إلا من يهين نفسه كره ولا غلا

خوتك فيها معزة بس ما فيها أمان
والخوة اللي ما فيها أمان فيها بلا

أنا أدري إنك حصان وتدري إني حصان
ما دمت رمحاً علا بعطيك راياً علا

دور لنا حل ولا أبشر بحل وضمان
يضمن لي اللي بقى وأضمن لك اللي جلا

أما اختصرها فمان الله ولا فمان
الله ما عاد تنفع يا هلا يا هلا

وأنا من اللي لاشانوا فيه الأصحاب شان خالد بن مبارك المشعلي

الشاعر خالد بن مباركزيارة المصدر