ليش توهمني انك تحبني في البداية

ليش توهمني

ليش توهمني انك تحبني في البدايه
لين صار الوهم عندي وعندك حقيقه

قمت تشر لقلبٍ بين الاحباب تايه
لين حبيتك وحبيت ذيك الطريقه

طحت في حبك الجذاب من دون غايه
افقد العقل ساعه واسترده دقيقه

كل من لامني قلت ادع لي بالهدايه
البحر ما يطاوع موجه الا غريقة

انتهى كل شي ولا انتهت ذا الحكايه
كل ما ماتت احياها كلام الخليقه

صارت ابيات شعري فيك مثل الروايه
اخر الليل يرويها الصديق لصديقه

وش تبي عاد يا عمري كفايه
لعنبوك انت حتى الشعر نشفت ريقه

اللّٰه يسامحك منا لمالا نهايه
ماورا ضيقتي لو صار لك شئ ضيقه

الشاعر: خالد مبارك ¹

1. [↩]حساب الشاعر خالد مبارك في منصة اكس