اخذيني من الهموم اللي تصاليني
خليني أعيش روحاتك وجياتك
أموت بك مدري إنت ميتة فيني
متعلق بين بسماتك ونظراتك
لو قلت أحبك كلام وما يعنيني
من قال كثر الكلام بينقض شتاتك
غلاك فوق الكلام يبان في عيني
بتشوف شي بعيوني فوق هقواتك
فيني للأشواق موطى في شراييني
تستاهلين الغلا من طيبك وذاتك
يفداك قلبي وتفدى راسك سنيني
يا حايز الفكر كن أوقاتي أوقاتك
قلبي وضاري على الصولات من حيني
إلين شافك ووقع في محطاتك
لو تطلب الحاجة اللي وسط كفيني
ما قلت لا وربي فدوتك جاتك
عن حب هالناس حبك بس يكفيني
يا مالي العين من طيبك ووقفاتك
لا تشتتيني بزين الحكي وأعطيني
بعض الثواني أتوه بسحر كلماتك
من بين كل البشر شوفك يهديني
لا صرت ماني بخير أمشي مسافاتك
يا ويل حالي وأنا اللي الوجد كاويني
لا صرت أشيل هموم صدرك وآهاتك