كلمات وداع افضل

وداع افضل

أنا أستاهل وداع افضل وِداع يليق فيني وفيك
أنا أستاهل وِداع أجمل عشان أتذكّرك بالخير

حَسبت إنّ الوفا غالي أو إنّه عالأقل يَعنيك
خَذَتني عِزّتي بإثمي، حَسبت إنّي في قلبك غير

تِروح وتاخذ أسبَابك، تِغيب وهالزمن يِبطيك
نَفيت وجودي بالمَرّة، ولا يَعنيك هالتدمير

ضُلوعي شايْلة قَلبٍ ضعيف وخَفْقته تِبكيك
تِرجّ الرّوح في جوفي باسمك، وأسمعَه تكسير

تولّتني كثير شُكوك، وصِرت أسألني: هو يِغليك؟
وكلّ مافات هذا كِذب أو إنّه غَلطة أو تَقصير؟

خَلَق رَبّي، فمان الله، تِودّع مَن صَبَر يِرْجيك
تِخفّف لوعته بِكلمة، تُواسي فَقده بتَبرير

وِداعك لو هو بِكلمة، تِنهِي قِصّة تِرثيك
رسولُ الله، وهو مُختار، مُودّعنا وِداعٍ أخير

بَقول لنفسي: مَسافر، بِيِرجع لي من التّشكيك
بِكبر هقوتي بِطيبك، وبَعدك خانَه التّعبير

نوال ¹