كلمات هلا باللي سبى راشد الماجد

هلا باللي سبى

هلا باللي سبى قلبي واخذني حسنه بقوه
سلب روحي واخذ صبري وانفاسي من ايديه

احس انه لعب بالقلب لعبة شاطر وموه
يبعثرني ويجمعني رجا واحلام ورديه

اذا نور ظلام الليل عرفت ان الفجر ضوه
تبسم من جبينه مبسم الصبح وضحك ضيه

اذا سلهم برمشه طرت من جوي الى جويه
ورحب به خفوقي غصب عني قال ياحيه

اثاريني بحسنه طحت وانا اظن الهوى توه
فكيف ان الهوى توه وانا غرقان في طيه

تعلقته وصار اليوم نو القلب من نوه
مع اني قبل هذا اليوم كانت نيتي نيه

قبل يطري الحسن حسنه لفظ قبل اسمه سموه
تسامت به سنا الحسن وسرت له سحب وسميه

تقول ارفق بمن حبك وعقب اللي تبي سوه
ترى ميتك اذا شافك ترد الروح به حيه

حبيبي خاطري عن ما بداله عبر ونوه
ومن شرواك يفطن وانت شمس الخاطر وفيه

اذا كان الحيا يمنعك ما تمنعك لمروه
واذا خايف من الحساد قلي طاحت الحيه

راشد الماجد ¹

1. [↩]الحساب الرسمي للفنان راشد الماجد في منصة اكس