كلمات هتان ماجد المهندس

هتان

الليالي برد وأشواقي هبوب
والشتا يذبح وأشوفك بأوله

يا غنَاة الروح ما غيرك ينوب
والتعب راحة معك وأستسهله

وإنت في صدري مقدر ومحسوب
وبعيوني لك مقام ومنزلة

جيت لك ولهَان وعيونك دروب
ما حسبت حساب دربك ما أطوله

عَن جمالك ما قَدرت أبعد وأتوب
كيف أتوب وربي اللي كمله

كن في عينك نَزاعات وحروب
ترمي القلب بسهمها وتقتله

يا حبيبي والهوى نبض القلوب
وكل نبضة لك بالغلا مسترسلة

كِنها الـ هتَان في عرض النصوب
يحيي أوراق الغصون الممحلة

لأن شوُفك ذنب من ضمن الذنوب
ومن شرع في الذنب يجزي بعمله

غير أنا جيتك وفي صدري شبوب
وإنت بيدينك تحل المسألة

ضمني بالهون يا عذب السلوب
قبل تاخذني الثواني المقبلة

والله إن الوقت في عيونك يذوب
يسرق العشاق ويزيد أعجله

وديِ أعلمك يا أغلى محبوب
عن مثل تضرب عليه الأمثلة

مِن جهل قدرك عرف معنى الرسوب
ومن عرف قدرك ضمن مستقبله

غناء: ماجد المهندس ¹
كلمات: سمو الشيخ ناصر بن حمد آل خليفة
الحان: احمد الهرمي