كلمات مانيب ند لك

مانيب ند لك

مانيب ند لك، ولا إنتَ بِنْدي!
أنا حبيبَك يا حبيبي بلا شَكّ

هذا الزَّعل طوَّل ولا عاد يِمدي
تِعبت أنا من كِثْر أَلْمَح وأَحْتَكّ

وِدّي نِصافَى الوِدّ، وُدّك ووِدّي
ما وِدّي أزعِل لا، ولا الباب يِنْصِكّ

المشكِلة لا شَيّ، ولا هيب تِجدي!
كَبرت وفَاقت بيننا بِخانَة (اليَك)

يِكفي جَرَحْنا بَعض، والهَمّ يِرْدي
يِكفي العُمر ضايِع، وهالهَمّ مِصْطِكّ

كُلٍّ قَسى واغتَرّ، وكُلّه يِعدي
كُلّه يِعدي إيه، يِبغى لَها (تَكّ)

عِيبٍ علَينا اليوم نِقسى ونِبدي
حَقٍّ علَينا نِكسَر القِفل يِنفِكّ!

حَقّك أُطَيّب خاطِرَك دون رِشدي
ومِن عُقْبها أَمرّ على الرّبّ يِنرك

اللّي جَرى مَكتوب، ورَبّك يِقَدّي
هَقواتي بِعَطفِك وطِيبِك هَقَى بِك

ما نيب نِدٍّ لَك ولا إنتَ بِنْدي
أنا حبيبَك يا حبيبي بلا شَكّ

نوال ¹