كلمة أحبك ماتليق بمستواك
ولا تليق اشتقت ودور عليك
أنا وصلت لمرحلة أعشق هواك
والظاهر انها مرحلة اموت فيك
الله بلاني بالمحبه وابتلاك
باللي بقلبه والمشاعر مشتريك
اضيع بين الناس في هذا وذاك
وياجعلني لاضعت ماضيع يديك
ياجعل ربي مايبدل في غلاك
ولو اتبدل باتبدل منك فيك
مافيه أحد ماينتظر لحظة لقاك
حتى القمر والغيم مثلي يحتريك
أشوف نور الشمس من ثغرات فاك
مثل ماشوف ان مالك بقلبي شريك
امن الحلا عز الله ان ربي عطاك
في نظرتك في ضحكتك في وجنتيك
لو تزعل من الأرض بدور رضاك
تمطر سمها لو تعقد حاجبيك
حتى الورود الذابله تحيا بماك
من رقتك ماتحتويها تحتويك
الله يحفظك من عيون اللي يراك
محصنك منهم وبسم الله عليك
