كلمات قسم وسمعني

قسم وسمعني

يِطول الحَكي وأقول قَسّم وسَمّعني
سَواليف تِطربني تَعِبت أستمع للّوم

لك سِنين وأنت تِعيد حَكيك ويُوجِعني
وَجَع يِوجع إبليسِك ترانا عِيال اليوم

عِش الجوّ واستمتع بوقتك ومَتّعني
بشُوفتك مِستانس وهمّك هو المَهموم

أبي نَظراتك وأنت بسَعادة تِطالعني
تِنسّيني إني عِشت من دونها مَحروم

عَشان إيش دايم بالتَّشرّه تِرجّعني
لغَلطات عاديه، ما أحد منها مَعصوم

تبي تِثبت إنك ما قد أخطَيت أبد يعني
وأنا دوم أَعذرك وأنت عُذرك مِهو مَفهوم

خُذ العِلم من راعيه تِكفى وطاوعني
ترى لو فَقَلبي نيّة خِصام، كان عُلوم

تِسر العَدو، لاهنت رَوّق وسَمّعني
سَواليف تِطربني تَعِبت أستمع للّوم

نوال