سامحيني سامحيني لدني عنك لزوم
ولا قضيت اللازم اللي لدني بازهم عليك
احتريني بالمجي في ظرف يوم أو شبه يوم
بنهب الخطوة وأميل عن متاهات السكيك
صحبتي ويا البطى من غير لازم ما تدوم
وأجملي ما له عوايد عند حيضانه بريك
ذا وملزوم الوداد اللي زوى عنه السموم
تاجه الغالي أنا وياك في لبسه شريك
إن تعلينا سكنا فوق هامات الغيوم
وإن تمشينا ف حنا بالرياض الخضر ذيك
بين ورد يانعات تحمل الأزهار توم
مثل ما أنا وإنتي في ظل المودة قبل أجيك
وأدري إنك عاد ما يخفاك تفنيد العلوم
فيك من وسم الذكا والزين كل زين فيك
وأدري إن الشك طيره في سمانا ما يحوم
لا وحنا عن سهام اللوم في حصن سميك
يا شعاع الشمس يا نور القمر بين النجوم
يا براد النسمة اللي تحتفي بك بين إيديك
يا البهاء يا بهجة اللولو بعين اللي يسوم
يا وحيدة خاطري دايم عيوني تحتريك
