كلمات جيتك

جيتك من حدود الخيال اللّي يداعبه النسيم
احمل شعور العاشق الوافي على ساق وقدم

جيتك على جنح العشق والشوق والليل العتيم
من بدء ها العالم أبيك أنت حبيبي بالاسم

أخذ المهم واخد الأهم عاشق أنا بحبك أهيم
وحدك وبس بدنيتي إنت المهم وأنت الأهم

والله العظيم بداخلي حب وشوق لك عظيم
أكبر من حدود الفضاء حبك في روحي مرتسم

حقيقة ما تقبل جدال أو شك يا أغلا نديم
بس وحدك أنت دنيتي والكون من بعدك عدم

أحتاج لوصالك أنا وأنا أعرفك جدا كريم
وأشتاق لعيونك ولو يصيبني منها سهم

ودي أشوفك وأهتني وأعيش في قربك نعيم
في بحر حبك شوف محبوبك من أشواقه نهم

وشلون ماحبك وأنا حتى بتفاصيلك أهيم
أنت الغلا اللي عشانه جيت وغيرك ما يهم

كثر الغلا وكثر الوله ياحب يسكن في الصميم
ودامي معك ما أملك إلا أحمد الله وأبتسم

حبك مثل غيث هطل في داخلي وأحيا الهشيم
وعساني من حبك ومنك يا حبيبي م أنحرم

حبك حقيقة راسخة والشوق فيني من قديم
ما يقبل أنصاف الحلول ما كان أبد عمره وهم

تبقى لي الحب الكبير بخافقي وأنت الحشيم
تأمر على روحي وتنهّاها وألبي لك نعم

فؤاد عبدالواحد