كلمات اغنية تتنفسك دنياي عبدالمجيد عبدالله

تتنفسك دنياي

مو بس احبك انا تتنفسك دنياي
واتخيل اني وصلت المرحلة في الروح
خجلان من طيفك اللي متعبه وياي
من زود منت على بالي تجي وتروح

الله لو تدري قلبي وش كثر مماي
شوق لعيناك وشوق لوجهك المملوح
وش قد ارتب كلامي لك قبل ملقاي
وش قد يضيع الكلام بشوفتك والبوح

غلاك عوقي وهو نفسه لعوقي دواي
كن بعدك اليم ووصلِك هو سفينة نوح
ما تبتهج نفسي الا وانت في يمنـاي
وما يلوي ذراعي الا ضيقتك والنوح

وجودك بعمري شي مثل الهوى والماي
وغيابك ابسط تعاريفه شقا وجروح
رديت روحي برجوعك يا بعدي ومناي
ويالضحكة اللي اصير الها فدا واروح

لك يا هنوف الخصال محبة في دماي
تملا بلاد الضباب اللي بشذاك تفوح
كنت الحبيب وغديت اليوم كل دنياي
من توام الروح الين امسيت انت الروح

عبدالمجيد عبدالله ¹

1. [↩]الحساب الرسمي للفنان عبدالمجيد عبدالله في منصة اكس