كلمات تتنفسك دنياي

تتنفسك دنياي

مو بس أحبّك أنا تتنفسك دنياي
وأتخيّل إنّي وصلت المرحلة في الرّوح

خجلان من طيفك الّلي متعبه وياي
من زود منت علّى بالي تجي وتروح

الله لو تدري قلّبي وش كثر ممّاي
شوق لعيناك وشوق لوجهك المملوح

وش قد أرتّب كلامي لك قبل ملقاي
وش قد يضيع الكلام بشوفتك والبوح

غلاك عوقي وهو نفسه لعوقي دواي
كن بعدك اليمّ ووصلِك هو سفينة نوح

ما تبتهج نفسي إلّا وإنت في يمنـاي
وما يلوي ذراعي إلّا ضيقتك والنّوح

وجودك بعمري شي مثل الهوى والماي
وغيابك أبسط تعاريفه شقا وجروح

ردّيت روحي برجوعك يا بعدي ومناي
ويالضّحكة الّلي أصير الها فدا وأروح

لك يا هنوف الخصال محبّة في دماي
تملا بلاد الضّباب الّلي بشذاك تفوح

كنت الحبيب وغديت اليوم كلّ دنياي
من توأم الرّوح إلِين أمسيت إنت الرّوح

عبدالمجيد عبدالله ¹

1. [↩]الحساب الرسمي للفنان عبدالمجيد عبدالله في منصة اكس