كلمات ايه هو ده

ايه هو ده إشمعنى ده ارتحتله وفتحت له لمّا نادى
ايه هو ده إشمعنى ده سهرتله احترتله قوّام قوّام كده

هكون بحبّه مش معقول الحبّ ميجيش كده على طول
أمال ده إيه اللّي مدوّبني ومخلّي راحة بالي تسيبني
وسهرت والأحلام ويّايا في كلّ خطوة مشيها معايا
هنا وقفنا هنا مشينا هنا حوّدنا وسهينا
وقلنا كتير وعيدنا كتير وقلنا كتير وعيدنا كتير
ولا قلناش لبعضينا على الكلمة اللّي تحيّينا

أنا عايزة أحكيله وخايفة خايفة من إيه مش عارفة
غلبت واحتار غلبي إيه الحكاية يا قلبي
تكونش بتحبّ أيوه إنت بتحبّ بتحبّ ده وتدوب في ده
وإشمعنى ده ارتحتله وفتحت له لمّا نادى
إيه هو ده إشمعنى ده سهرتله واحترتله قوّام قوّام كده

خدتني حنيّة قلبه وخذني صوته وكلامه
نسيت الآمي وأنا جنبه وعشت وياه في آلامه
حسّيت وفكّرت وسهرت واحترت وشربت يا قلبي م الشوق وكترت
حسّيت شىء حلو جديد شىء حلو وبس
شىء زي ليالي العيد بالروح يتحسّ

أنا عايزة أحكيله وخايفة خايفة من إيه مش عارفة
غلبت واحتار غلبي إيه الحكاية يا قلبي
تكونش بتحبّ أيوه إنت بتحبّ بتحبّ ده وتدوب في ده
وإشمعنى ده ارتحتله وفتحت له لمّا نادى
إيه هو ده إشمعنى ده سهرتله واحترتله قوام قوام كده

نجاة الصغيرة