كلمات اوعدك يامن خالد عبدالرحمن

اوعدك يامن

اوعدك يامن عني تخليت
لا بد لك في يوم تحزن بعادي

أنا على عهدي وبصدقي تعاطيت
لكنّك أنت اللي قطعت ودادي

وش غيرك يوم أنا بجد هاويك
كنت منى قلبي وكنت مرادي

أحكي لك بهمسي وبالصوت أدرايك
خوفٍ أجرح إحساسك بليا اعتمادي

غلطتك أنت حرفت مباديك
وخذاك مني على التوه غادي

لا ياك ترجع لي وتحكي عذاريك
يكفي إنك أنت اللي أصبحت بادي

اليوم تضحك وبكره يبكيك
وقتٍ مع الأيام تشكي الوحادي

تعرف قدر منهو يحبك ويغليك
مطوع لك مخلص بليا عنادي

إن كان ربي كاتب لك أراضيك
هذا عطا منهو له احنا عبادي

وإن كاتب لك بهالعمر يشقيك
النار تورث عقب شعلة رمادي

لا عاد تطريني ولا عاد أنا أطريك
لا مني زادك ولا منك زادي

ما ذقتها نار على القلب تكويك
حتى تحس بلوعتي وازدهادي

في خاطري بالحيل قطعت مساعيك
كنك على حلمٍ لفاني برقادي

واليوم مثل الغريب صرت أساويك
أجهل لك الكلمة ولو إنك تنادي

أنت الظلام وظلمته في حشاويك
أطفيتها شموعٍ كانت لك وقادي

طبعك تبيع اللي من الناس يشريك
أهل القلوب اللي تجدهم مبادي

الله أخذ منك ولكنه معطيك
حسن الجمال وصيغته بازديادي

فيك المرض شخصي ولا من يداويك
مغرور في علتك زود التمادي

ما أظن أحاسبك ولا أظن أعاديك
عش في هيامك على الجهل غادي

من سوء حظك عاذلٍ شافها فيك
كل المروّة وجدها وجادي

ألومك أنت ما ألوم واشيك
كيف إنك بحب العمر به تفادي

انسى زماني وأنا بنسى ماضيك
ذنب اقترفته ترى ما هو عادي

اوعدك يامن عني تخليت
لا بد لك في يوم تحزن بعادي

خالد عبدالرحمن ¹

1. [↩]الحساب الرسمي للفنان خالد عبدالرحمن في منصة اكس