كلمات اوصافك عجب

اوصافك عجب

يا طَويلة عِنق مَيذوبة حَشى رِدف وقطاه
يا تَضاريس الجَمال، وكُلّ ما رَبّي وَهَب
إِن مِشَيتِك مَشي عِزّ، وخَصر مُتناسي أَعشاه
ما لَعِب في عودِج المَيّاس يا غَير المَهَب

إِنتِ إِنتِ كُلّ شَي، في كُلّ شَي لآخِر مَداه
وإِنتِ إِنتِ كُلّ شَي، في كُلّ شَي لكن صَعب
يا نُعومة خَدّ طِفل، كُلّ مَن باسه دِماه
إِنتِ في وَصفِك كَبيرة، وأَصغَر أَوصافِك عَجَب

إِنتِ يا كُلّ الجَمال، وكُلّ مَعنى لِلحَياة
يا حَياة الشاعر اللّي قَبل شوفِك ما كَتَب
ويَوم شافِك صِرتِ إِنتِ كُلّ تَرنيمة غِناه
ما طَلَب مِثلك، وجِيتِي كِن مُتَمَنّي وطَلَب

سُولِفي، خَلّيني أَسمع صَوتِك وبَحّة غَلاه
ويا حَلاة حُروف مَرّت بين شَهدِك والعِنَب
يا فِديتِك وإِنتِ عُمري مُبتَداه ومُنتَهاه
وقَبل أَعرِفِك، ما هو عُمري، بَس وياك اِنحَسَب

إِنتِ أَغلى مَن عَرَفتِه، وأَغلى مِن قَلبي هَواه
وإِنتِ أَغلى مَن عَشَقتِه، وأَغلى مِن قَلبي يُحِب
ما أَبي غَيرِك، ولا أَفكّر ولا أَدور رِضاه
يَكفي إِنّك في حَياتي صُبح ما عُمره غَرَب

هاتِي كَفّك فَوق كَفّي، خَلّي يِروى مِن ظَماه
لأن كَفّك به أَمان، ولا ظَما كَفّي شَرِب
وإِن سَألتِي: كَم أُحِبّك؟ كِبر هالكون وفَضاه
وكِثر قَلبي في غِيابِك حَسّ بالبُعد وتَعَب

فؤاد عبدالواحد