كلمات اوصافك عجب فؤاد عبدالواحد

اوصافك عجب

يا طويلة عنق ميذوبة حشى ردف وقطاه
يا تضاريس الجمال، وكل ما ربي وهب

إن مشيتي مشي عز، وخصر متناسي أعشاه
ما لعب في عودج المياس يا غير المهب

إنت إنت كل شي، في كل شي لآخر مداه
وإنت إنت كل شي، في كل شي لكن صعب

يا نعومة خد طفل، كل من باسه دماه
إنت في وصفك كبيرة، وأصغر اوصافك عجب

إنت يا كل الجمال، وكل معنى للحياة
يا حياة الشاعر إلي قبل شوفك ما كتب

ويوم شافك صرتي إنت كل ترنيمة غناه
ما طلب مثلك، وجيتي كن متمني وطلب

سولفي، خليني أسمع صوتك وبحة غلاه
ويا حلاة حروف مرت بين شهدك والعنب

يا فديتك وإنت عمري مبتداه ومنتاه
وقبل أعرفك، ما هو عمري، بس وياك انحسب

إنت أغلى من عرفته، وأغلى من قلبي هواه
وإنت أغلى من عشقته، وأغلى من قلبي يحب

ما أبي غيرك، ولا أفكر ولا أدور رضاه
يكفي إنك في حياتي صبح ما عمره غرب

هاتي كفك فوق كفي، خلي يروى من ضماه
لان كفك به أمان، ولا ظما كفي شرب

وإن سألتي: كم أحبك؟ كبر هالكون وفضاه
وكثر قلبي في غيابك حس بالبعد وتعب

غناء: فؤاد عبدالواحد ¹
كلمات: سالم حمد بن كردوس
ألحان: غيث محمد