كلمات انتي الاهم

انتي الاهم

حبيبتي لا تشتكين من الظروف
ولا تشيلي من هموم الوقت هم

انا لك الدرع الحصين من الصدوف
وانا ابن عمك حتى لو ماني ابن عم

لا يلحقك من لوعة الأيام خوف
ما دام باقي لي على الدنيا نسم

فلي حجاجك وإضحكي خليني أشوف
جمالك الطاغي ووجهك يبتسم

وتجاوزي الأهات خليها تطوف
ما فيه داعي للجروح وللألم

الله خلقك وميّزك بأربع حروف
وخذتي من إسمك لين قلب و لين إسم

وصفاتك اللي يابعد كل الوصوف
ما فيها معنى للكآبه و الندم

خلي الحسايف ما على الدنيا حسوف
أنتي أصدق وأنتي أجمل وأنتي أهم

بندر بن عوير