كلمات امحق رفيق فالح الطوق

امحق رفيق

امحق رفيق حد سيفه وسنه
ويدمي العروق المرهفه والصخيفه

في قلب من تنزف جروحه وحنه
من طعنة يدمي بها حد سيفه

المندفع كله الى خاب ظنه
من صدمته جرحه يطول نزيفه

ويجدد الذكرى وهي مرجهنه
ساعه ومن حالي يروح النصيفه

درب يعيد لنفسي المطمئنة
وقت يذكرني شتاه ومصيفه

ولابد لي من صدة عقب ونه
احاول امشي غير يمطر قنيفه

ماهو يتكاثر كل شي على أنه
اقل ماسوا لعينا وليفه

مايدري ان بعد المواليف سنه
وهاذا عذابه والليالي المخيفه

والناس غيب قلوبها اللي تكنه
الوقت يظهر لك صحيحه وزيفه

على العموم الحب مافيه منه
كلن على رغبة مزاجه وكيفه

من لا ضبط هيل المحبه وبنه
في دلة والما نقي ونظيفه

ماتقهوي اللي دلة الكيف فنه
وفترة أهلها في المحبه قصيفه

فالح الطوق ¹

1. [↩]قناة المنشد فالح الطوق في منصة اليوتيوب