كلمات النهايات السعيدة

النهايات السعيدة

نوثّق اللحظة بصورة كلّن يعبّر عن شعوره
هذي النهايات السعيدة اللّي نبيها من زمان

حان وقتك يا الفرح اليوم حنّا ناجحين
لحظات ما تنسى أبد نشكرك ربّ العالمين
نشيل داخلنا طموح نبني لباكرنا صروح
وصار اللّي بالنا بعد التّعب طول السنين

سعادة تملّى هالمكان الصعب عدا اليوم هان
كلّن يهنيها بحبّ والفرحة بعيونه تبان
كلّ الأماني تحقّقت ووصلنا فعلًا للهدف
هذي النهايات السعيدة اللّي نبيها من زمان

رفعنا قبّعة التخرّج والكلّ حيّا وقام يصفّق
من الذاكرة ما راح تمحى اللحظة هذي للأبد

ملامح الخطوة بدت كلًّا يحدّد له مسار
حصيلة الجهد أثمرت منّها قطفنا هالنهار
تاريخ بالعمر انكتب يعني لنا والله الكثير
محفور فينا بكلّ حبّ وصبر كان أجمل شعار

أهلنا كلّهم حولنا ربّي يخليكم لنا
بابتسامة منهم ننسى تعبنا كلّنا
افتخروا فينا يا عسانا دايم قدّ الطموح
هذي الشهادة تحقّقت الله يخليكم لنا

سلطان المرشد