كلمات المفروض

المفروض

المفروض أعوفك من زمان
كون من ذاك الوكت
من عليه تغيّرت
ليش منك ما تِبْت
بس يلا من فات الأوان

تعبي هان كلشي بان
الوعدني بوعده خان
الوعدني بوعده خان

أنطيتك فرصه تتغيّر
مثل ما إنت ضلّيت
غلطة عمري سامحتك
هواي أغلاط عديّت

أنا الضّحّيت والحبّيت
والوافيت واهتمّيت
شسويلك بعد أكثر
كلشي وياك سويّت

بس يلا بعدنا بيها
هاي العشرة خل ننهيها
حياتي من أطلعك منها
لا تصدّك أرجعك بيها

ما جِنت أفكّر للبعيد
ضيّعت عمري بغرام
مو حقيقي وبس كلام

أغلطت مرّه وحرام
أرجع أغلط من جديد
شي أكيد ما أريد
إنت حبّك ما يفيد
إنت حبّك لا ما يفيد

وداعت حبّي إلك عفتك
وما نرجع حبيبين
خل أشتاقلك فترة
بس أنساك بعدين

خلاص يا عين لا تبجين
وتسهرين وتحنّين
هو اللي خسر كلشي
من فراگك لا تخافين
من فراگك لا تخافين

صارت لي بعشرتك عبره
بعد ما أعيد هاي الكرّه
إذا هيچ العشك ما أريده
هاي أوّل وآخر مرّه

اصيل هميم ¹