كلمات القريب منك بعيد

القريب منك بعيد

القَريب مِنك بَعيد، والبَعيد عنك قَريب
كُلّ ده، وقَلبي اللّي حَبّك لِسّه بِيِسَمّيك حَبيب

حَبيب عيني، حَبيب أَحلامي
حَبيب دُموعي وآلامي
أَهون عَلَيّ أَسهَر بآلامي
وأَتوه نُجوم اللّيل بِظَلامي

يا رايح لِلّي فايت، لي عُيوني سَهرانه ولا داري
أمانه أوصِف له دَمع عيوني، طول لَيلي ونهاري
آه مِنك، آه مِنك
كُلّ ده، وقَلبي اللّي حَبّك لِسّه بِيِسَمّيك حَبيب

فاكر ولا ناسي؟ ياما كُنت بأسي
حَتّى مَع الأيّام الحُلوه، وقت ما كُنت بأقابلك فيها
كانت الفَرحه مَعاك تُوحشني قَبل ما يِجي مَعاد لَياليها

كُنت لِسّه في الحُبّ، لِسّه بتِعلّم جَديد
ما كُنتش أَعرِف إنّ القَريب مِنك بَعيد

يا رايح لِلّي فايت، لي عُيوني سَهرانه ولا داري
أمانه أوصِف له دَمع عيوني، طول لَيلي ونهاري
آه مِنك، آه مِنك
كُلّ ده، وقَلبي اللّي حَبّك لِسّه بِيِسَمّيك حَبيب

يا اللّي أَمرّ مِن بَعدك لِقاك
يا اللّي أَمرّ مِن هِجرِك رِضاك

يا غُربتي وإنتَ بَعيد عنّي
يا غُربتي وإنتَ قَريب مِنّي

يا حُبّ أَقول له إيه؟ يا حُبّ أَسامحه لِيه؟
ده العَذاب هو اللّي يُسامحه
والسَّهَر هو اللّي يُسامحه
والدُّموع هي اللّي تُسامحه

يا رايح لِلّي فايت، لي عُيوني سَهرانه ولا داري
أمانه أوصِف له دَمع عيوني، طول لَيلي ونهاري
آه مِنك، آه مِنك
كُلّ ده، وقَلبي اللّي حَبّك لِسّه بِيِسَمّيك حَبيب

نجاة الصغيرة ¹

1. الصفحة الرسمية للفنانة نجاة الصغيرة في منصة ويكيبيدياالمصدر: