كلمات الذاهبه خالد عبدالرحمن

الذاهبه

الله اللي راد والعقدة قضاها اللي عقدها
لا على الدنيا سلام ولا لباقي العمر زينه

الفضا ما كنه إلا خيمة طاحت عمدها
والفرح ما كنه إلا شيخ انقصت يدينه

والعمر قطعة زجاج انكسرت ولا طال أمدها
والعرب في العيد بدموع اليتامى مستهينه

والشوارع لفها ثوب الظلام اللي هجدها
والبيوت أطلال من عقب المحبة والسكينة

والشتا والليل والبرد وسما يصرخ رعدها
والعيون اللي ورا الشباك مذعورة حزينة

طولوا بالكهف الأصحاب وبقت روحي وحدها
كنها في كوكبٍ ثاني خلا من ساكنينه

الوداع اللي بعلم العين يعبر من رمدها
والوداع اللي بلا علمٍ لفى في صدري غبينه

والوداع اللي بلا رجعة علي أمر وأدها
والله إنه غرغرت سم وسكاكين سنينه

والعنود اللي جفيت الناس والدنيا بعدها
مدت الفرقا لغاليها وهي تعطي الثمينة

وينها كيف تركتني ليه ما جت في وعدها
والقمر لا طل وخابرها تجي بيني وبينه

رحت أنادي وأتلمس في مهب الريح يدها
كني حصان بلا صاحب طوى البيدا حنينه

رحت أصيح الصبح وينه والعرب ما رد أحدها
ما سمعت إلا صدى صوتي يقول الصبح وينه

كلهم من يوم ذيك الشمس غابت عن بلدها
طلعوني بالنفود وصكوا أبواب المدينة

كلهم من يوم ذيك الذاهبه محد وجدها
كل رجال من الشرهة قلع في الدرب عينه

أثرها ماتت وماتت كل فرحة في مهدها
والربيع أقفت به اللي كانت التاج لجبينه

جاورت عقب الحدايق حفرة ما قسى لحدها
حفرة ماني مصدق كيف ضمت ياسمينه

للحزن فيني مثل ما للطهارة في جسدها
ويش أسوي لافتشت اللي لها وسط الخزينة

زخرفت حلم وبنت له مسكن وسمّت ولدها
آه لو غرت ولدها في خميلة والدينه

عاهدتني وقفرت بيمين أقوى من عهدها
والصبي لا خير فيه إن كان ما نفذ يمينه

ما تثقا عن رثاها عرق اقتض بشهدها
ولا تبقى خلف قضبان الجفن عذرى سجينة

كيف عند العالم أيام العزا ما حصى عددها
ولا أنا طالت شبوره والله أعلم كم سنينه

لا الثرى فيها نبات ولا المشيخ أخفف نكدها
لا السما فيها طيور ولا البحر يمه سفينة

لا القمر هذا مساه ولا الأسي هذا أرغدها
لا الزهر هذا شذاه ولا الذهب هذا رنينه

قالوا الشيخ الفلاني مرجع القوم وسندها
قال لي ابشر بالعوض والعلم جيناه ناقلينه

ساق لك بدر البدور اللي نشدها من نشدها
جادر هزت عروش وخيبت روس ذهينه

قسمها في رسمها في جسمها إلا في رشدها
واسمها إن جا للغضب قومه على الألسن رطينه

اترك الناي وعطيه شيخنا غنى لسعدها
وانبسط يا عم وانسى اللي ورا التربة دفينه

قلت ولصدري تناهيد تروع من شهدها
آه واويلاه من يجلب على قلبي ظنينه

خلوا أغلى ذاهبه ترعى ربيع اللي فقدها
والعطا راعيه محد صوبه الله لا يهينه

لو ضمنت الجنة تفاحة القلب وشهدها
قلت من بكره عسى مجنونها توقف سنينه

¹

1. [↩]الحساب الرسمي للفنان خالد عبدالرحمن في منصة اكس