كلمات الحين جيت

الحين جيت

الحين جيت أَبسألك وشْ رجعك؟
أذكرك تَستثقل ثوانِي جيّتِي
ضَاقت زوايَا خَاطري مَا توسّعك
مَالك مَكان ولَا زمان بِدنيَتِي

قَامت تفَاصيلِي الصّغيرة تُوجعك
فَاقد سُؤالِي عنْك فَاقد لَهفتِي
متشتّت وودّك بصدرٍ يجمعك
رَاح الزمان اللّي الشّقى لك راحتِي

متأخّر شوي وشعورك خادعك
وتظن أَرّحب باللّي كاسر هقوتِي؟
ماني بلعبة تنتظر رفع إصبعك
عشَان أطير إن قلت تبغَى شوفتِي

مهمَا تنَادينِي أنا ما أسمْعك
محبّتك فصل وخلّص من قصّتِي
بكمل سنينِي بدونك أو معك
نِهَايتك ما تعبتر نهايتِي

سلطان المرشد