كلمات البارحه يوم الخلايق نياما راشد الماجد

البارحه يوم الخلايق نياما

البارحه يوم الخلايق نياما
بيحت من كثر البكا كل مكنون

قمت اتوجد له وانثر الما على
ما من موق عيني دمعها كان مخزون

ولي ونتن من سمعها ما يناما
ونة صويبن بين الاضلاع مطعون

والا كما ونت كسير السلامه
خلوه ربعه للمعادين مديون

في ساعة قل الرجا والمحاما
في ما يطلع يومهم عنه يقفون

والا كما ونة راعبية حماما
غاب ذكرها والقوانيص يرمون

تسمع لها بين الجرايد حطاما
من نوحها تدعي المواليف يبكون

والا خلوج سايبه للهياما
على حوار ضايع في ضحى الكون

حطوا عليه من الخرج ثوب خاما
وقاموا عليه من الترايب يهلون

راحوا بها حزت صلاة الاماما
عند الدفن قاموا له الله يدعون

لرضاه والجنه وحسن الختاما
ودموع عيني فوق خدي يهلون

يا قبر اسقي ثراك الغماما
مزن من الرحمه عليها يصبون

والا حوار نشقوله شماما
وهي تطالع يوم جروه بعيون

يردون مثله والظوامي سياما
ترزموا معها وقاموا يحنون

والا رضيع جرعوه الفطاما
توفت امه قبل اربعينه يتمون

عليه يا شارب لكاس الحماما
صرف بتقدير من الله مأذون

جاه القضاء من بعد شهر الصياما
وقاموا عليه من الترايب يهلون

راحوا بها حوة صلاة الاماما
عند الدفن قاموا له الله يدعون

برضاه الجنه وحسن الختاما
ودموع عيني فوق خدي يهلون

حطوه في قبر غطاه الهداما
في مهمة من عرب الامات مسكون

يا حفرة يسقي ثراك الغماما
مزن من الرحمه عليها يصبون

جعل البختري والنفل والخزاما
ينبت على قبر به العذب مدفون

مرحوم ياللي ما مشى بالملاما
جيران بيته راح ما منه يشكون

يا وسع عذري وان هجرت المناما
رافقت من عقب العقل كل مجنون

اخذت انا وياه سبعة اعواما
مع مثلهن في كيفة ما لها لون

والله كنه يا عرب صرف عماما
يا عونة الله صرف الايام وشلون

واكبر همومي من بزور يتاما
ان شفتهم قدام وجهي يصيحون

وان قلت لا تبكون قالوا علامه
نبكي ويبكي مثلنا كل مخزون

صلوا على سيد جميع الاناما
على النبي ياللي حضرتوا تصلون

راشد الماجد ¹

1. [↩]الحساب الرسمي للفنان راشد الماجد في منصة اكس