كلمات اغنية مليون مره راشد الماجد و فؤاد عبدالواحد

مليون مره

ليت العمر لو كان مليوُن مره
في كل مره بتمناه وياك

لو دنيتي فديناك كره وفره
ما ريدها من دون بسمة محياك

في عيونك الثنتين شفت المسره
يا حظ من يملي عيونه بروياك

حبك جميل الوصف لله دره
كيف الحياة تكون من دون لقياك؟

إلى هذيك الدار قلبي تجره
من وين ما أقبل ألاقيها ذكراك

لندن ترد الروح من بعد نظره
صابت خفوقي يوم لاقيتك هناك

خذني معاك نروح صوب المجره
أو أي مكان تريد من أرض وأفلاك

ما فيه غيرك درب أقدر أمره
كل الطرق تؤدي إلى إني أهواك

أحب حبك حتى لو صعب أمره
الورد بعض أحيان تلقى به أشواك

مهما الظروف تكون حلوة ومره
بكل حال أقول في حد يسواك؟

أحب حبك حتى لو به مضره
محلا المضره دامها تجيب شرواك

أقرب من التؤم لك أفهم وأدره
يفهمك قلبي أكثر من اللي خاواك

مليوُن مره العمر.. مليوُن مره
في كل مره أبغى أعيشه وياك

لو دنيتي فديناك كره وفره
ما ريدها من دون بسمة محياك

دويتو: راشد الماجد ¹ و فؤاد عبدالواحد ²
كلمات: سلطان بن سهيل
ألحان: أدهم