كلمات كل احبك

كل احبك

كل احبك قِلتها لك لا حشا ما هي تِسَلّي
ما آتسَلّى بك وقلبي زاد في حُبّك مِقرّه

كيف أنا فيك آتسَلّى؟ وإنت وجهك قِبلة لي
والحكي منك يِداوي كل ضيقٍ وكل حَرّه

والله إنّ العُمر دونك ما بغيته دامك اللّي
يِجهل هموم اللّيالي، ويِبخَص دُروب المِسَرّه

والله إنّي يوم جِيتك جِيت شامخ ومُتعَلّي
ما تِثاقلت الطريق ولا خِشيت من المُضَرّه

قُم وخلّ الليل يِمضي بالسوالف والتجلّي
لا تِظن ولا تِشك ولا تِلوم ولا تِشرِه

تِدري إنّك من تِبسّم… كل خير يِبتسم لي
وتِصبح أيّامي سَلام، وكل فَرحة مُستمرّه

اِرفقي بي يا الثواني وافرحي بي وَاِسفَهي لي
دام قلبي به غرام يِملي حُدود المجرّه

فؤاد عبدالواحد ¹

1. [↩]الحساب الرسمي للفنان فؤاد عبدالواحد في منصة اكس