كلمات اغنية قامت الساعة عبدالمجيد عبدالله

قامت الساعة

من قال بموت لا من طحت من عينك
ولا تنسّيت حبي قامت الساعة

يمكن شوية غلا من بيني وبينك
سويتها سالفة والروح ملتاعه

أتموت ما جبت راسي لو كثر زينك
وأموت ما يشتكي قلبي من أوجاعه

يا اللي تبي تطعن فوادي بسكينك
النفس تامر ولكن ما لها طاعه

صدّقت نظرة عيونك في محبينك
والعين يا زين بعض أحيان خدّاعه

لا تحسب إنك ملكت القلب بيدينك
بدري على مثل سنّك يلوي ذراعه

ما همني لو فنيت بحبي سنينك
قلبي إذا صدّ، صدّ ويصعب قناعه

غرك جمالك حبيبي، ربي يعينك
الزين قال المثل: من زانت أطباعة

ما أذكر إذا غبت عني أسألك وينك
يا اللي سيوف الجفا بأياديك قطاعه

مات الغرام ووروده في بساتينك
قلبٍ جرحته طوى من حبك شراعه

عبدالمجيد عبدالله ¹

1. [↩]الحساب الرسمي للفنان عبدالمجيد عبدالله في منصة اكس