قصيدة يا ناشدن عني الشاعر شليويح العطاوي

يا ناشدن عني

يا مل قلب عانق الفطر الفيح
كنه على كيرانهن محزومي

ما أخلف وعدهن كود ما تخلف الريح
وإلا يشد الضلع ضلع البقومي

يا ناشدن عني تراني شليويح
قلبي على قطع الخرايم عزومي

إن قلت الوزنة خذوها المشافيح
أخلي الوزنة لربعي واشومي

وإليا رزقنا الله بذود المصاليح
يصير قسمي من خيار القسومي

واضوي إليا صكت علي النوابيح
واللي قعد عند الركاب مخدومي

وإن كان لحقوا مبعدين المصابيح
معهم من الحاضر سواة الغيومي

إليا ضربت السابق أم اللواليح
كل رفع يمناه للمنع يومي

الشاعر
شليويح العطاوي الروقي العتيبي ¹