يا عبدالله إنت تحب والحب زين وشين
يا زين أولهه وأتلاه ما هو بيا زينه
تعلم من اللي وده يعلمك ذا الحين
قبل ما يلمسك الجفاء رأس سكينة
مشاعرك لا تسخي بها غير عند اثنين
وباقي الأوادم عامة نفس روتينه
ترى المجتمع مليان قسوة وقل الدين
ولا كل من حبيت .. دينك على دينه
وأنا يا رفيقك ميت لي ثمان سنين
من أغلى سنين العمر ومن أجمل سنينة
على تضحيات وذكريات وسوالف عين
وحبٍ فقدته مقدر أقول لك وينه
طريقٍ تشاينته ولا عاد أبيه يزين
ومليت من كثرة أعداه ومحبينه
الشي المهم إنك من أصحابي الغاليين
اللي مستحيل أرضى له الحزن والشينه
نصيحة لوجه الله لا تتبع المقفين
ترى من تبع له مقفيٍ طاح من عينه
قصيدة يا عبدالله إنت تحب خالد بن مبارك المشعلي
