يا الله هز النعش وثبت اهل القبور
إلين نرضى وبقبور الحبايب عمار
يا الله ما كل هم تحمله الصدور
لاشك الإيمان ثبت قلب راعي الوقار
يا الله والموت سنه وانت بس الغفور
تغفر لأحمد ومن يبكي أحمد وجار
يا الله حنّا فقدنا ظلما ونور
يا الله حنّا لقينا الليل جب النهار
يا اهل النعش وش حملتوا غير نجم سفور
وقبله فلا حسب نجم بالثرى له مزار
يا أهل النعش وش حملتوا هو طريق يبور
ويخلي اللي بنو بظلال شمسه ديار
يا أحمد تركت الحبايب يندبون الدبور
يا أحمد لقيت الحبايب عند ربك خيار
يا الله وش نذكر أحمد غير طيب مخيور
يا الله وش ننسى للي في عطاه اعتذار
وش باقي الا بذكره الصدور الشعور
وش خلص إلا الصبر والفر ح والاقتدار
وش راح غير الرفيق الهيلعي الغيور
وش جاء بالحنايا سوى جمر سمر وشرار
وش نام بالعود غير حصان ربعه جسور
وش قام بالصدر غير الحزن قومه مجار
امين جعله كثر فعله يحصد بذور
وتسكنه عالي الجنة ونعم الجوار
يا الله والموت سنة والليالي عبور
أدري وحنّا عبيدك كلنا بانتظار
قصيدة يا الله هز النعش طلال الرشيد
