قصيدة ياما بذرنا الطيب مهذل الصقور

ياما بذرنا الطيب

ياما بذرنا الطيب في راعي الطيب
وفي جاحد المعروف ياما بذرنا

ولا عندنا للي جحدنا مطاليب
قد جاه من وجداتنا ما عذرنا

ياما غدينا له قصورٍ ومعازيب
وبظلالنا ياما عليه انكسرنا

نشب ضارين على الطيب ونشيب
متجملين ولا الجميل يعسرنا

وإذا وردنا صافيات المشاريب
في جمة الما ما رمينا حجرنا

وإن طاحت الهقوات مثل المشاهيب
حنا مثل ولد الكحيله طمرنا

أما سرحنا ونتشعى المضاريب
وإلا سرينا تحت غرة قمرنا

عسى سبايل لحيته للعراقيب
اللي قصر عنّا وحنا ما قصرنا

واليوم قد الأوراق تحتاج ترتيب
عقب العلاقات الكثير اختصرنا

بذر الوفا في النذل ينبت عذاريب
لا يا خسارة بذرنا اللي بذرنا

الشاعر: مهذل الصقور ¹