قصيدة وجيه متلونه مبارك الحجيلان
وجيه متلونه
ما عدت أنا ذاك واحاتي لموقف صغير
وما قمت أثقّل على نفسي بتفكيرها
هو ليه أفكر بهالعالم وأحث المسير
وعقول بعض البشر ياصعب تفسيرها
نصدق ونطلع خطا نطلع خطا بالأخير
ويعاتبونك على نفسك وتقصيرها
لو تعطي الراي قالو فيك هذا يغير
تعطي نصيحه يحدونك لتغييرها
ولو تفرش الأرض ولخاطر بعضهم حرير
بيقول هالارض مابيها أبي غيرها
امن اول استغرب لحاجات وابحث كثير
واضيق من سالفه واحط تبريرها
واليوم قانع من اللي صار واللي يصير
ماني وليّ الاوادم في تدابيرها
وجيه تحمل وفا تبشر بودٍ كبير
و وجيه متلونه تبشر بتحقيرها
الشاعر: مبارك الحجيلان 1
- [↩]الحساب الرسمي للشاعر مبارك الحجيلان في منصة اكس