قصيدة منت بياه مهذل الصقور
منت بياه
ماني بنا ونت اعتقد منت بياه
ولكل منا قصرت به ظروفه
مثل تشراهك علي .. لي تشراه
أشوف فيك الي انت فيي تشوفه
واقرى الذي بين السطور انت تقراه
عيني مثل عينك تهجت حروفه
واللي توصف لي حلاه .. اتحلاه
واصف لك اللي ما تقرك وصوفه
يعني انا وياك من صنف وشباه
مهما اختلفنا واضحة ومعروفة
علاقتي بك مثل ساسن ومبناه
وساس القصر ما يشتكي من سقوفه
ما ياصف المرقاب من لا تعلاه
وعلم الحيا ياتي به اللي يطوفه
يا بعد هقوتنا على الناس بعداه
وباقي الهقاوي ما عليها حسوفه
اما يشوف اللي كفوفه محناه
والا نحني اعزك الله كفوفه
الشاعر: مهذل الصقور 1
- [↩]حساب الشاعر مهذل الصقور في منصة اكس