قصيدة ما عادت على الكيف

ما عادت على الكيف

يا راقيٍ من فوق روس المشاريف
وتجرّ من جزل القصايد لحنها

حوّل ترى الدنيا ما عادت على الكيف
بعض السلوم اليوم روح زمنها

روّح زمان أهل القلوب المواليف
ولا عاد تنشد تالي الوقت عنها

اللّي تصون الجار وتكرم الضيف
وتسوق بدروب المكارم ضعنها

ما هو بوقت اللي فعوله سواليف
والمرجلة عاجز لا يمسك رسنها

اللي تقوده لابسات النفانيف
ولا هو بلا يآمر ولا هو بينهى

ما يعرف وقت الشدايد ولا شيف
خبلٍ يخبز السالفة ويعجنها

هذا زمن ناسٍ تهاب المواقف
لو تبهر عيونك ضخامة بدنها

الـيا وفت يبقى وفاها على جريف
ولـيا كرمت قامت تصور صحنها

الشاعر سعود العواجي ¹