قصيدة غلطتي
غلطتي
يومها بين ايديني والغلا عادي
ويوم قفّت تفجّر حبّها فيني
كنّها حطّت التوقيت بفؤادي
لامشت حبّها يفجّر شراييني
قبل تقفي وانا متماسك وهادي
وعقبها ضاق كل الكون في عيني
غلطتي كنت متراهي ومتمادي
كنت احسب الزمن والوقت يمدّيني
واثر من لا تغانم فرصته غادي
اه يا فرصتن ضاعت من سنيني
توني في غلاها قلت يا هادي
روحت لعنبو من لامها فيني
ما نفع طول الوقت وعنادي
يومها مقبله ما كان يعنيني
بس راحت وكنّي فاقد ابلادي
اثر ما ارخص من اللي تطوله ايديني
يا وجودي هليها وجد بن هادي
وجد لا وجد فراق ولا ديني
غلطتي وارتكبها بثورة ازنادي
يوم جرّ العزاوي راحت ايميني
والله انّي عليها حدّني حادي
من يردّ المواصل بينها وبيني
علّموها تجي وترجع ارقادي
كل ما جيت ابنسى وش ينسّيني
علّموها الغلا ما عاد هو عادي
مشكلة الولع عقب الثلاثيني
الشاعر حمد السعيد