الحظ الأقشر هو اللي يستغل الظروف
ولّا ظروف الزمان ما شفت منها قشر
ماني بحب أستغل الأبرياء والضعوف
ولاني بحب أنشر الكذبة مع من نشر
وإن جيت سوق الحرام أصد صدت عيوف
ما بيع وأشري لو يقولون لي بع وأشر
يا خلي أعطف على القلب الجريح العطوف
وأبعد على شان نبقى في المحبة خشر
اللي يحب آدمي واللي يغازل خروف
والقلب شرير والشيطان منه وأشر
ما شفت نفسي على غيرك على شان أشوف
نفسي عليك أنت وأنت أغلى بشر
أصد وأبعد وأنا قلبي عليك محذوف
وإن جات عشري ثمان أرد عشري عشر
نفسي تراودني أرجع لك بدون معروف
ضميري اللي أنبني حشرني حشر
ونفسيتي بين هم وبين ضيقة وخوف
تقول نفسية اللي كان شيخ ودشر
من عقب ما كان في المسجد يأم صفوف
اليو في برحة الشلة يدق فلشر
قصيدة شيخ ودشر خالد بن مبارك المشعلي
