قصيدة الصاحب اللي لا زهمته

الصاحب اللي لا زهمته

الصاحب اللي لا زهمته قال تبّشر بالسعد
ماعنده إلا تم وأبشربي وتامرني أمر

مواقفه برا السعودية مثل جوا البلد
يسوقها لجلّك جلّد ماكن باقي له عمر

يمناه لا لاحت تساق لها البيارق والعدد
مثل ما ينساق الشحم والعود من فوق الجمر

يارد على الموت الحمر يوم إن غيره ماورد
ويقلّط الجزّله ولو من دونها الموت الحمر

وإلى نصيته في لزوم تقول جايلّه ولد
ادمن عليها النعم أدمان الخواجه للخمر

لا قضالك لازمه ماراح يسولف به لاحد
لانه مادوّر من وراى فعله لا زُرق ولا حمر

هذا هو اللي لارزقك الله مثله تنّحسد
بيته لخلق الله مقر .. ماهو مثل غيره ممر

الزاد والماء والخوي الكفو والسيف الأحد
غاية مراد اللي رزقه الله وصلى واعتمر

حتى عيونه عن عيوب الناس كن فيها رمد
من كان بيته من زجاج لا يرمي الناس بحجر

الشاعر عبدالسلام الشهراني ¹