قصيدة احسب اني بشوفك سعد علوش

احسب اني بشوفك

احسب اني بشوفك عقب طول الغياب
في نهار يبين بها الصديق القريب

واثرك الحاضر اللي في المواجيب غاب
غبت عني وانا كنت احسبك ما تغيب

يا سراب ضحى ضيحه تعود سراب
واعذاب الضمان اللي يبي منك غيب

اكتشفت الحقيقة ما عليها ضباب
ما توقعت في مثلك ظنوني تخيب

احسبك ف الشدايد ما تذل وتهاب
واثرك اجوف ليا جات الشدايد تهيب

طاب جرحك وانا جرحي مع الوقت طاب
كل جرح مع الايام لازم يطيب

عنفوان الزمان وعنفوان الشباب
تاكل الايام بعض الين كلا يشيب

مايقع حر صافي في مواقع غراب
والحقد مايخيم في فؤاد العريب

الشاعر: سعد علوش ¹